குறள்

செங்கோண்மை

குறள் # 541

ஓர்ந்துகண் ணோடாது இறைபுரிந்து யார்மாட்டும்
தேர்ந்துசெய் வஃதே முறை

குறள் # 542

வான்நோக்கி வாழும் உலகெல்லாம்; மன்னவன்
கோல்நோக்கி வாழும் குடி

குறள் # 543

அந்தணர் நூற்கும் அறத்திற்கும் ஆதியாய்
என்றது மன்னவன் கோல்

குறள் # 544

குடிதழீஇக் கோல்ஓச்சும் மாநில மன்னன்
அடிதழீஇ நிற்கும் உலகு

குறள் # 545

இயல்புளிக் கோல்ஓச்சும் மன்னவன் நாட்ட
பெயலும் விளையுளும் தொக்கு

குறள் # 546

வேல்அன்று வென்றி தருவது; மன்னவன்
கோல்அதூஉம் கோடாது எனின்

குறள் # 547

இறைகாக்கும் வையகம் எல்லாம் அவனை
முறைகாக்கும் முட்டாச் செயின்

குறள் # 548

எண்பதத்தான் ஓராமுறை செய்யா மன்னவன்
தண்பதத்தான் தானே கெடும்

குறள் # 549

குடிபுறங் காத்து ஓம்பிக் குற்றம் கடிதல்
வடுஅன்று வேந்தன் தொழில்

குறள் # 550

கொலையிற் கொடியாரை வேந்துஒறுத்தல், பைங்கூழ்
களைகட் டதனோடு நேர்