குறள்

மருந்து

குறள் # 941

மிகினும் குறையினும் நோய்செய்யும் நூலோர்
வளிமுதலா எண்ணிய மூன்று

குறள் # 942

மருந்துஎன வேண்டாவாம் யாக்கைக்கு அருந்தியது
அற்றது போற்றின் உணின்

குறள் # 943

அற்றால் அளவுஅறிந்து உண்க; அஃதுடம்பு
பெற்றான் நெடிதுஉய்க்கும் ஆறு

குறள் # 944

அற்றது அறிந்து கடைப்பிடித்து மாறுஅல்ல
துய்க்க துவரப் பசித்து

குறள் # 945

மாறுபாடு இல்லாத உண்டி மறுத்துஉண்ணின்
ஊறுபாடு இல்லை உயிர்க்கு

குறள் # 946

இழிவுஅறிந்து உண்பான்கண் இன்பம்போல் நிற்கும்
கழிபே இரையாண்கண் நோய்

குறள் # 947

தீயளவு அன்றித் தெரியான் பெரிதுஉண்ணின்
நோயளவு இன்றிப் படும்

குறள் # 948

நோய்நாடி நோய்முதல் நாடி அதுதணிக்கும்
வாய்நாடி வாய்ப்பச் செயல்

குறள் # 949

உற்றான் அளவும் பிணிஅளவும் காலமும்
கற்றான் கருதிச் செயல்

குறள் # 950

உற்றவன் தீர்ப்பான் மருந்துஉழைச் செல்வான்என்று
அப்பால்நாற் கூற்றே மருந்து