குறள்

இரவு

குறள் # 1051

இரக்க இரத்தக்கார்க் காணின்; சுரப்பின்
அவர்பழி தம்பழி அன்று

குறள் # 1052

இன்பம் ஒருவற்கு இரத்தல் இரந்தவை
துன்பம் உறாஅ வரின்

குறள் # 1053

கரப்புஇலா நெஞ்சின் கடன்அறிவார் முன்நின்று
இரப்பும்ஓர் ஏஎர் உடைத்து

குறள் # 1054

இரத்தலும் ஈதலே போலும் கரத்தல்
கனவிலும் தேற்றாதார் மாட்டு

குறள் # 1055

கரப்பிலார் வையகத்து உண்மையால் கண்நின்று
இரப்பவர் மேற்கொள் வது

குறள் # 1056

சுரப்புஇடும்பை இல்லாரைக் காணின் நிரப்புஇடும்பை
எல்லாம் ஒருங்கு கெடும்

குறள் # 1057

இகழ்ந்துஎள்ளாது ஈவாரைக் காணின் மகிழ்ந்துஉள்ளம்
உள்ளுள் உடைப்பது உடைத்து

குறள் # 1058

இரப்பாரை இல்லாயின் ஈர்ங்கண்மா ஞாலம்
மரப்பாவை சென்றுவந் தற்று

குறள் # 1059

ஈவார்கண் என்உண்டாம் தோற்றம் இரந்துகோள்
மேவார் இலாஅக் கடை?

குறள் # 1060

இரப்பான் வெகுளாமை வேண்டும்; நிரப்புஇடும்பை
தானேயும் சாலும் கரி