குறள்

சூது

குறள் # 931

வேண்டற்க வென்றிடினும் சூதினை; வென்றதூஉம்
தூண்டீல்பொன் மீன்விழுங்கி யற்று

குறள் # 932

ஒன்றுஎய்தி நூறுஇழக்கும் சூதர்க்கும் உண்டாம்கொல்
நன்றுஎய்தி வாழ்வதோர் ஆறு

குறள் # 933

உருள்ஆயம் ஊவாது கூறின் பொருளாயம்
போஒய்ப் புறமே படும்

குறள் # 934

சிறுமை பலசெய்து சீர்அழிக்கும் சூதின்
வறுமை தருவதுஒன்று இல்

குறள் # 935

கவறும் கழகமும் கையும் தருக்கி
இவறியார் இல்லாகி யார்

குறள் # 936

அகடுஆரார் அல்லல் உழைப்பர் சூதுஎன்னும்
முகடியால் மூடப்பட் டார்

குறள் # 937

பழகிய செல்வமும் பண்பும் கெடுக்கும்
கழகத்துக் காலை புகின்

குறள் # 938

பொருள்கெடுத்துப் பொய்மேல் கொளீஇ அருள்கெடுத்து
அல்லல் உழப்பிக்கும் சூது

குறள் # 939

உடைசெல்வம் ஊண்ஒளி கல்விஎன்று ஐந்தும்
அடையாவாம் ஆயம் கொளின்

குறள் # 940

இழத்தொறூஉம் காதலிக்கும் சூதேபோல் துன்பம்
உழத்தொறூஉம் காதற்று உயிர்