இடுக்கண் அழியாமை
குறள் # 621
இடுக்கண் வருங்கால் நகுக அதனை அடுத்துஊர்வது அஃதுஒப்பது இல்
குறள் # 622
வெள்ளத்து அனைய இடும்பை அறிவுடையான் உள்ளத்தின் உள்ளக் கெடும்
குறள் # 623
இடும்பைக்கு இடும்பை படுப்பர் இடும்பைக்கு இடும்பை படாஅ தவர்
குறள் # 624
மடுத்தவாய் எல்லாம் பகடுஅன்னான் உற்ற இடுக்கண் இடர்ப்பாடு உடைத்து
குறள் # 625
அடுக்கி வரினும் அழிவுஇலான் உற்ற இடுக்கண் இடுக்கண் படும்
குறள் # 626
அற்றேம்என்று அல்லல் படுவோ பெற்றேம்என்று ஓம்புதல் தேற்றா தவர்
குறள் # 627
இலக்கம் உடம்புஇடும்பைக்கு என்று கலக்கத்தைக் கையாறாக் கொள்ளாதாம் மேல்
குறள் # 628
இன்பம் விழையான் இடும்பை இயல்பென்பான் துன்பம் உறுதல் இலன்
குறள் # 629
இன்பத்துள் இன்பம் விழையாதான் துன்பத்துள் துன்ப முறுதல் இலன்
குறள் # 630
இன்னாமை இன்பம் எனக்கொளின் ஆகுந்தன் ஒன்னார் விழையுஞ் சிறப்பு
