குறள்

பயன்இல சொல்லாமை

குறள் # 191

பல்லார் முனியப் பயன்இல சொல்லுவான்
எல்லாரும் எள்ளப் படும்

குறள் # 192

பயன்இல பல்லார்முன் சொல்லல் நயன்இல
நட்டார்கண் செய்தலின் தீது

குறள் # 193

நயன்இலன் என்பது சொல்லும் பயன்இல
பாரித்து உரைக்கும் உரை

குறள் # 194

நயன்சாரா நன்மையின் நீக்கும் பயன்சாராப்
பண்புஇல்சொல் பல்லார் அகத்து

குறள் # 195

சீர்மை சிறப்பொடு நீங்கும் பயன்இல
நீர்மை உடையார் சொலின்

குறள் # 196

பயன்இல்சொல் பாராட்டு வானை மகன்எனல்
மக்கட் பதடி எனல்

குறள் # 197

நயன்இல சொல்லினும் சொல்லுக சான்றோர்
பயன்இல சொல்லாமை நன்று

குறள் # 198

அரும்பயன் ஆயும் அறிவினார் சொல்லார்
பெரும்பயன் இல்லாத சொல்

குறள் # 199

பொருள்தீர்ந்த பொச்சாந்தும் சொல்லார் மருள்தீர்ந்த
மாசறு காட்சி யவர்

குறள் # 200

சொல்லுக சொல்லின் பயன்உடைய சொல்லற்க
சொல்லின் பயன்இலாச் சொல்